Τρεις αετοί, τρεις αετοί κι οι τρεις καϊτανεμένοι,
έγκαν φαΐν, έγκαν ποτήν, κάθον και τρών’ και πίνε.
Ο είς έπεν πολλά κρασίν κι εμέθυξεν κι ερούξεν,
άλλος επαραστράτεσεν κι ελάθεψεν τη στράταν,
κι άλλος επαραγέρασεν κι ετσακοφτερουλίεν.
Μη κλαίτε ατόν π’ εμέθυξεν, απομεθεί και σκούται,
Μη κλαίτε ατόν π’ ελάθεψεν, καταρωτά και πάει,
κλαψέστε ατόν π’ εγέρασεν κι άλλο φτερά ‘κί φέρει.
Στάθη Ι. Ευσταθιάδη, Τα τραγούδια του ποντιακού λαού, εκδ. Κυριακίδη, Θεσσαλονίκη 1992.
![Απρίλιος. Μικρογραφία του μήνα από το χειρόγραφο Τυπικό της Μονής του Αγίου Ευγενίου Τραπεζούντας [1346]. Μητροπολίτου Τραπεζούντος Χρύσανθου, «Η Εκκλησία Τραπεζούντος». Από το Αρχείον Πόντου, του 1933 (πηγή: Επιτροπή Ποντιακών Μελετών)](https://www.pontosnews.gr/wp-content/uploads/2026/03/aprilios-cvr-360x180.jpg)
