Παραδοσιακό ποντιακό τραγούδι της ευρύτερης περιοχής της Τραπεζούντας.
⇔
Σίτ’ επέγνα ομάλια ομάλια, είδα ορμάνια και λιβάδ(ε)α
είδα ορμάνια και λιβάδ(ε)α, και σην άκραν τρέσ’ πεγάδιν.
Και ση πεγαδί την άκραν, έστεκε δέντρον και μέγα
έστεκε δέντρον και μέγα, σα νεράντζα φορτωμένον.
Έπλωσα να παίρω έναν, εχολιάστεν η Λεμόνα
Ντό χολιάσκεσαι Λεμόνα; Πασκ’ ετσάκωσα κλαδόπον;
Κι αν ετσάκωσα κλαδόπον, να τσακούται το χερόπο μ’
κι αν εμάρανα φυλλόπον, να μαραίνεται το ψυόπο μ’.
