Πρέπ’ να ευτάς δίαιταν – Ανέκδοτο στην ποντιακή διάλεκτο

Τη Πολόχ η Μαρία πολλά εστεναχωρεύκουσον ντο έτον πολλά παχυμέντσα. Επήεν ’ς σον διατρόν, τον Τάσον τον Αμανατίδην, να λέει ατεν ντο πρέπ’ να ευτάει για να αδυνατίζ’.

– Μάρια, είπεν ατεν ο διατρόν, για να αδυνατίεις πρέπ’ να ευτάς δίαιταν και όντες φέρ’νε εμπροστά σ’ το φαΐν να λαΐεις το κιφάλι σ’ μίαν αδά και μίαν εκεί, μίαν δεξά και μίαν αριστερά. Ατό θα ευτάς ατό τρία μήνας ώσνα αδυνατίεις. Ασού αδυνατίεις κι ύστερα θα μαθάντς να τρως ολίγον, αν ’κ’ έν’ ξαν θα παχύντς.

≈
παχυμέντσα: παχιά, χοντρή • να λέει ατεν: να της πει • ντο πρέπ’ να ευτάει: τι πρέπει να κάνει • να λαΐεις: να κουνάς (ρ. λαΐζω) • ώσνα: ώσπου • ασού αδυνατίεις κι ύστερα: μετά που θα αδυνατίσεις • αν ’κ’ έν’ ξαν θα παχύντς: διαφορετικά θα ξαναπαχύνεις.

Δημήτρης Σ. Νικοπολιτίδης
Πηγή: Ποντιακή Εστία, Απρ-Ιούν. 2015, περίοδος β΄,  Χρόνος 38ος, τχ 18.