Οσήμερον Σαρακοστή
τον κουκαράν κρεμάστεν
τη Παναΐας το καντήλ’
καθημερ’νά ανάψτεν.
Συγχώρεσην δώστεν
συγχώρεσην επάρτεν
ασ’ σοι μειζετέρτς κι ασ’ σοι μικρούς
την κακίαν τζιζιλάψτεν.
Θυμίαμαν δώστεν ’ς σον Χριστόν
και ’ς σον Θεόν την προσευχήν
ο εις τον άλλον έναν χαμόγελον
έναν γλυκύν καλατζήν.
Συγχωρέστε με αδέλφια μου
από καρδίας συγχωρέστεν
κι όντες έρται η Λαμπρή
τα γιορτινά φορέστεν!
Ηλίας Υφαντίδης
![Απρίλιος. Μικρογραφία του μήνα από το χειρόγραφο Τυπικό της Μονής του Αγίου Ευγενίου Τραπεζούντας [1346]. Μητροπολίτου Τραπεζούντος Χρύσανθου, «Η Εκκλησία Τραπεζούντος». Από το Αρχείον Πόντου, του 1933 (πηγή: Επιτροπή Ποντιακών Μελετών)](https://www.pontosnews.gr/wp-content/uploads/2026/03/aprilios-cvr-360x180.jpg)
