Όνταν εδέβαν οι ρουσάντ’ το Τζιορόχ’ κι εσέβαν σην στράταν για την Τραπεζούνταν, έναν μικρόν αεροπλάνον επέταξεν από πάν’ ασα Σούρμενα. Εχπαράγαν οι Σουρμενέτ’. Ντο έτον ατό το πράμαν κι έξεραν.
Ετρέξαν αμάν σον ποπάν κι ερωτούν ατόν:
– Πάτερ, αούτο ντο πετά σον ουρανόν ντο έν’;
Τερεί ο ποπάς σον ουρανόν καλοτερεί, βάλ’ το σσέρ’ νατ’ σ’ ωτί κι επεκεί κλώσκεται και λέει:
–Όλαν ατό πα κι ξέρετε ντο έν’; Εκατόν χρονών κώνωπας έν’!
[Όνταν εδέβαν = όταν έφυγαν | ρουσάντ’ = Ρώσοι Ι Τζιορόχ’ = ο Άκαμψις ποταμός | εσέβαν= μπήκαν | εχπαράγαν= τρόμαξαν | σσέρ’ νατ’ = χέρι του]
Παρουσίαση: Τάσος Κοντογιαννίδης
