Μήδεια στην ποντιακή διάλεκτο. Δείτε το βίντεο

Η Μήδεια του Ευριπίδη στην Ποντιακή διάλεκτο. Το απόσπασμα που ακολουθεί είναι ένα αδημοσίευτο έργο από τον αείμνηστο Καθηγητή Χρήστο Αντωνιάδη. Δείτε το βίντεο στο τέλος του άρθρου.

Παρακολουθήστε το απόσπασμα από το έργο “Η Μήδεια του Ευριπίδη στην Ποντιακή διάλεκτο” που επιμελήθηκε ο αείμνηστος Χρήστος Αντωνιάδης και παρουσιάστηκε στην ραδιοφωνική εκπομπή της Ανέβζηγου αροθυμίας στις 4 Απριλίου 2009 με θέμα: “Την γλώσσα μου έδωσαν ποντιακήν”. Το παρακάτω κείμενο επιλέχθηκε και δόθηκε από τον κύριο Αντωνιάδη για τις ανάγκες της εκπομπής.

Τροφός

Κάπως ας έτον κι Αργώ το φτεροτόν καράβιν
ασά συμπληγολίθαρα καμίαν μ’ εδεβένεν,
μ’ έσκιζεν πέραν περού τα γερανέα κάσα
κι άμον πουλίν εκόνεβεν σα χώματα των κόλχων.
Κ’ εΐνο το πευκόδεντρον μ’ εκόφκουτον καμίαν,
ασά ρασία του Πηλί και ίνουτον κουπία
να εμπροκουντούν οι Έλλενοι καράβ αρματωμένον
να πάγνε σο αράεμαν κι άμον κλεφτάντ αρπάζνε
– για τη Πελία το χατήρ τ’ αναθεματισμένον –
το Δέρας το χρυσόμαλλον το πόστ τ’ αφορισμένον.

Αέτς αν έτον η κυράμ η Δέποιναμ η Μήδεια
ασήν εγάπ του Γιάσονα κι θα επαλαλούτον,
μέτοικος κι θά έρχουτον ση Ιωλκός τα κάστρα,
ούτε θα εκαντούρεβεν κι εβάλνεν σα φυτίλια
τα θυγατέρας τ΄ άρχοντα τον κύρνατουν να σπάζνε,
τον κυρ ατά π’ εγέννεσεν τον άτυχον Πελίαν.
Χορικό

Δία, κι εσύ του Hλ το Φως και τη ηής στερέα
ακούτεν τη σιλιάκλερον πως κραζ άμον κορώνα;
κι άμον βοή το μοιρολόϊ πως συνταράζ τον κόσμον;
Ντέπαθες, ντέρθεν εύρεσεν και ν’ αποθάντς εχπάστες!
Γιαμ εν τσεγάπς η καμονή τη κρεβατί το πάθος;

Στα. Κλωστ οπίς. Μη πορπατής τη θανατή το δρόμον.
Άκαιρα τέρεν μ’ αποθάντς. Ζήσον ολίγον κι άλλο.
Ορία και μη τογραεύς την ψυς για έναν άντραν,
ίλιαμ για άντραν π’ έφυεν και τρεσ οπίς σην άλλεν.
Ατός οπίς κι κλώσκεται, χολιάσκεσαι του κάκου,
του κάκου κλαις και δέρκεσαι, κι καμονής του κάκου.
Ο Δίας εσέν κι ανασπάλ, το δίκαιος κι χάτε.

Ευχαριστούμε για το πολύτιμο υλίκο την κ. Λένα Σαββίδου.

Δείτε το βίντεο που ακολουθεί: