Αε-Σπυρίδων και τα ημέρας

Αε-Σπυρίδων εποίκεν α και τράνυν’νε τα ημέρας και τα νύχτας¹. Αε-Σπυρίδων επήρεν έναν ψεμένον κεραμίτ’², έσπιγξεν κ’ εγλύσεν³ α ’ς σην βούραν⁴ ατ’ απέσ.

Κα έτρεξεν το νερόν, αν’επήεν τ’ άψιμον και το τσαμούρ’⁵ επέμ’νεν ’ς σο χερ’ν ατ’. Τ’ άψιμον έν ημέρα, να δουλεύ’ς, να τρέης αγκεικά⁶ και το νερόν έν’ η νύχτα, να κοιμάσαι και αναπάεσαι.

Λαμπίρα τη Φίλονος

• Πηγή: Σάββας Πορφ. Παπαδόπουλος, «Παραδόσεις – θρύλοι της περιοχής Καρς», Αρχείον Πόντου, Τόμος 42 (1988-1989), σ.125.

__________
1. Σύμφωνα με το παλιό (Ιουλιανό) ημερολόγιο.
2. Κεραμίδι.
3. Έλιωσε.
4. Χούφτα.
5. Λάσπη.
6. Πάνω-κάτω.