Ένα παραμύθι για τον Αρχάγγελο Μιχαήλ διέσωσε, τον 20ό αιώνα, ο Άγγλος ελληνιστής Richard MacGillivray Dawkins (1871-1955), που τα τελευταία χρόνια της ζωής του τα είχε αφιερώσει στην επιστημονική και συγγραφική δραστηριότητα των ελληνικών λαϊκών ιστοριών.
Όπως αναφέρεται, το εν λόγω αφήγημα συμπεριλαμβάνεται σε λαϊκές ιστορίες από την Ίμερα και τη Σάντα.
≈
Ο Μουχαήλ Αχράγγελον επήγεν ‘σ έναν οσπίτ’ και θα εβάφτιζεν έναν παιδίν. Σίτα εβάφτιζεν ατο, εδέβασεν ‘σ σο κατσίν αθες πως όλον υστέρ’ ατο το παιδίν ο λύκον θα τρώγ’ ατο. Ενούντζεν κ’ επενούντσεν πώς να γουρταρεύ’ το παιδίν ασό λύκον.
Έχτσεν έναν γιαλένεν οσπίτ’, εσέγκεν ατο εκειαπέσ’ και ο ίδιον πάντα έφερνεν ατο το φαΐν αθες. Το παιδίν ετράνινεν και έρθεν σην ηλικίαν να γυναικίζ’. Ετοίμασαν τη νύφε, και γιάμ τρώγι το παιδίν ο λύκον, ση σπιτί την πόρταν εποίκαν τα στεφανώματα.
Εφέκεν από βραδύς το παιδίν με την νύφε και εκλείδωσεν Αχράγκελον και επαίρεν τ’ ανοιγάρα. Από πουρνού πα ένοιξεν τη πόρταν και θα τερεί ντ’ εφτάγνε.
Οντές τερεί, ντο τερεί; Ολίγα στούδα εκείσαν σ’ έναν άκραν κειεκά, και η νύφε έστεκεν εκειάν’ με ματωμένα τα δόντα τς, και ο παιδάς πουδέν κι φαίνεται.
«Ντ’ εέντονε, νε κουτσή, άντρα ‘ς ις; ερωτά τεν Αχράγκελον.
«Εγέμ λύκος και έφαγα τον απόψ’!
Ατότε Αχράγκελον ενούντσεν, «εχ, ο Θεόν ντο γράφ’, εγώ επολέμεσα να απογράφω».
Σ’ ανθρωπί το κιφάλ’ ιντάν εγράφεν εγράφεν. Κανείς κ’ επορεί ν’ απογράφ’ ατο.
Το παιδίν ασό λύκον θα εδαβαίνεν. Λύκος κ’ επόρεσεν να εμπαίν’ απέσ’. Εγέντον η γυναίκα τ’ λύκος και έφαγεν ατον!
Richard MacGillivray Dawkins
