Ήταν ένα αξέχαστο δίδυμο, ο ένας πείραζε τον άλλον, πότε μάλωναν και πότε τα έβρισκαν. Πολλά από τα πειράγματά τους λέγονται μέχρι και σήμερα σαν ανέκδοτα.
Παρακάτω θα σας μεταφέρω ένα από αυτά όπως το άκουσα από τον πατέρα μου. Θα παρακαλούσα να με κρίνετε με επιείκεια για λάθη που έχω κάνει στην ποντιακή διάλεκτο.
Μιαν ημέρα ο Χρήστον ο Τσάντζας (χέρος έτον) εσέρευσε ολίγα σύκα για να εφτάει ρετσέλ’. Επήεν ρώτεσεν την Παρθενόπη τη γαρή τη Χρήστονος τη Τονάκ πώς να εφτάει το γλυκόν. Ατέ είπεν ντο θα βάλ’ απές και πώς θα εφτάει ατο. Επήεν επέρεν τη ζάχαρη αλλά ους να εφτάει το γλυκόν ενέσπαλε άλλο ντο θα βάλ’ απές. Ξάν’ επήεν οπίσ’ να ρωτά αλλά η Παρθενόπη ’κ’ έτον ακεκά. Είδεν ατόν ο Τονάκ’ς και λέει τον Τσάντζα.
– Ντο θέλς Χρήστο;
– Έρθα ερώτεσα την Παρθενόπη πώς να εφτάω το ρετσέλ’, ατέ είπε με πώς να εφτά’ ατο εσέγκα απές σι τέντζερι το νερόν, τα σύκα τη ζάχαρη, αλλά… ατέ είπε μεν κάτ’ άλλο να βάλω άμα ενέσπαλα.
– Άλας έβαλες απές;
– Γιοκ.
– Ατό έν’ Χρήστο, δέβα ρίξον άλας.
Ο Τσάντζας επήεν σο οσπί’ν ατ’ και επήκεν το ρετσέλ’.
Όταν έρθεν η Παρθενόπη ’ς σ’ οσπί’ν ατς ο Χρηστάκον (έτσι έλεγαν οι εντόπιοι τον Αηδονίδη τον Χρήστο) είπεν τη γαρή’ ατ ντο έντονε και ελιγώθεν ’ς σα γέλια. Αμάν η Παρθενόπη έτρεξε ’ς σ’ οσπίτ’ τη Τσάντζα για να προφτάν’ ατον, άμα ατός επρόφτασεν και επήκεν το γλυκόν.
– Μώσε Χρήστο ντ’ εποίκες, έβαλες άλας απές ’ς σο γλυκόν;
– Ναι Παρθενόπη, αέτς είπε μεν ο Χρηστάκον.
– Ο Χρηστάκον εμασχάρεψέ σεν Χρήστο, εχάλασες το γλυκόν.
Ο Τονάκ’ς έστεκεν ολίγο παράμερα τερεί’ ατ’ς και γελά, εξεκαρδίεν ’ς σα γέλια. Ύστερα επήεν ’ς σον μπακάλ’, εγόρασεν ζάχαρη και είπεν τον Τσάντζα:
– Έλα Χρήστο, έπαρ’το να εφτάς άλλο ρετσέλ’, ατό ’κί φαΐεται.
Η φωτογραφία είναι τραβηγμένη 1η Νοεμβρίου 1969 στη Βεργίνα, μπροστά από το σπίτι μας. Όρθιος ο παππούς μου Χρήστος Αηδονίδης (ο Τονάκ’ς) –γεννήθηκε στην ενορία Πιστοφάντων της Σάντας το 1906– με τον γείτονα και φίλο του Χρήστο Τριανταφυλλίδη (τον Τσάντζα), ο οποίος γεννήθηκε το 1898 στην ενορία Πινατάντων της Σάντας.
- Πηγή: facebook / Χρήστος Αηδονίδης.
